भाऊराव श्रीपत चव्हाण यांची सामाजिक न्याय विभागाच्या अमळनेर शहराध्यक्षपदी निवड

अमळनेर (प्रतिनिधी) : राष्ट्रवादी काँग्रेस शरदचंद्र पवार पक्षाच्या सामाजिक न्याय विभागाच्या अमळनेर शहराध्यक्षपदी भाऊराव श्रीपत चव्हाण यांची नियुक्ती करण्यात आली आहे. पक्षाच्या संघटनात्मक कार्यातील योगदानाची दखल घेत त्यांच्यावर ही महत्त्वाची जबाबदारी सोपविण्यात आली आहे.

३१ ऑगस्ट रोजी झालेल्या कार्यक्रमात राष्ट्रवादी काँग्रेस शरदचंद्र पवार पक्षाचे प्रदेशाध्यक्ष पंडितजी कांबळे (मुंबई), सामाजिक न्याय विभागाचे प्रदेश उपाध्यक्ष अरुण धर्माळे, प्रदेश उपाध्यक्ष प्रतिभाताई शिरसाठ, उत्तर महाराष्ट्र अध्यक्ष रमेश बहारे, जळगाव जिल्हाध्यक्ष सुरेश पगारे तसेच जिल्हा सरचिटणीस चंद्रमणी सांगवीकर यांच्या उपस्थितीत भाऊराव श्रीपत चव्हाण यांची नियुक्ती करण्यात आली. यावेळी उपस्थित मान्यवरांनी भाऊराव श्रीपत चव्हाण यांचे अभिनंदन करून पुढील सामाजिक व संघटनात्मक वाटचालीस शुभेच्छा दिल्या. सामाजिक न्याय विभागाच्या माध्यमातून समाजातील वंचित, दुर्बल व उपेक्षित घटकांच्या प्रश्नांसाठी प्रभावीपणे कार्य करावे तसेच पक्षाची विचारधारा तळागाळापर्यंत पोहोचवावी, अशी अपेक्षा यावेळी व्यक्त करण्यात आली. भाऊराव श्रीपत चव्हाण यांच्या निवडीबद्दल अमळनेर तालुकाध्यक्ष डी. एम. पाटील तसेच पक्षाचे ज्येष्ठ नेते व माजी आमदार डॉ. बी.एस. पाटील यांनीही अभिनंदन करून शुभेच्छा दिल्या. त्यांच्या नियुक्तीचे पक्षाचे पदाधिकारी व कार्यकर्त्यांकडून स्वागत करण्यात येत असून, या जबाबदारीच्या माध्यमातून सामाजिक न्याय विभागाचे संघटन अधिक बळकट करण्याची अपेक्षा व्यक्त होत आहे.